الرئيسية
تسجيل الدخول
8 مميزات للتسويق عبر الفيسبوك.. مبيعات أكتر بتكلفة أقل!
كيف يمكنك إنشاء عروض تقديمية مقنعة تبهر زملائك وتثير إعجاب مديريك؟ اكتشف ذلك من خلال دليلنا المتعمق حول العروض التقديمية لتجربة المستخدم.
كتير من أصحاب المشروعات بيشوفوا ان التسويق للبيزنس بتاعهم أونلاين مالوش أهمية عن أهمية وفلوس بتترمي على الأرض وخلاص، على الرغم إن التسويق الالكترونى والوصول للجمهور أونلاين من أساسيات نجاح أي نشاط تجاري، في المقال ده هنتكلم عن مميزات كورس التسويق عبر الفيس بوك وإزاي التسويق والاعلان علي الفيس بيساعد في الوصول للعملاء بكل سهولة وبأقل التكاليف.
مميزات التسويق من خلال الفيسبوك.
1- التفاعل السريع مع العملاء.
وجودك على الفيسبوك هيساعدك في انك تتواصل مع العملاء بدون وسيط، و من خلال التواصل ده هتفهم عملائك بشكل كبير وده هيخليك تقدر توصلهم مميزات منتجك اللى هما محتاجينها بسهولة وكمان بتقدر تعرف أراء العملاء بشكل فورى علشان تقدر تعالج اى مشكلة بشكل سريع.
2- سهولة التواصل من خلال الفيسبوك.
وفقًا لتقرير Habits's Social Habits للأبحاث، فإن 76٪ من المستهلكين بيتواصلوا مع الأنشطة التجارية على Facebook ، مقارنة بـ 10٪ على Twitter و 4٪ على Instagram، وده بيشير إلى ضرورة تواجدك على الفيسبوك.
3- الوصول للجمهور المستفيد فى أى مكان من خلال الاعلانات.
الفيسبوك مش مجرد وسيلة للتواصل الإجتماعي فقط، لأ ده كمان وسيلة لإدارة أعمالك بشكل أفضل، لإن بمجرد وجود البيزنس بتاعك على الفيسبوك هتقدر تعمل إعلانات ممولة ومن خلال الإعلانات دي هتوصل لأى عميل في أي مكان وفي أي وقت وكمان ممكن توصل للعملاء برا حدود مدينتك.
4-قليل التكلفة.
تعتبر إعلانات الفيسبوك من أرخص أنواع الإعلانات مقارنة بمواقع التواصل الإجتماعي الأخرى زي تويتر ويوتيوب وجوجل.
5- زيادة معرفة الجمهور بالعلامة التجارية الخاصة بيك.
وده من خلال تقديم محتوى قوى بيعرف البيزنس للجمهور بتاعك بشكل أفضل وده هيزود ارتباطهم بعلامتك التجارية.
6-الاستهداف.
من ضمن الميزات إللي بيتميز بيها الفيسبوك هو إنك بتقدر تستهدف العملاء المحتملين في الإعلانات بناءً على كذا اختيار زي الموقع، العمر، الجنس، الاهتمامات، السلوك الشرائي أو نوع الموبايل.
7- إعادة الاستهداف.
انت من خلال إعلانات الفيسبوك بتقدر تعيد استهداف العملاء إللي تفاعلوا مع إعلانك قبل كده أو زاروا موقعك أو استخدموا تطبيقك، والأوبشن ده بيحقق نتائج هايلة لو عامل مثلاً event أو عروض وعايز تعيد استهداف العملاء مرة تانية.
8- تحويل العملاء الى الويب سايت الخاص بك.
من خلال إعلانات الفيسبوك بتقدر تحول العملاء بتوعك من الفيسبوك إلى الويب سايت الخاص بك، وده بيساعد في زيادة الـ Traffic.
في النهاية نحب نوضح ان الفيسبوك أكبر شبكة اجتماعية ويعتبر مركز جذاب للتسويق من خلاله، وبيضم عدد كبير جداً من المستخدمين النشطين، فلو انت عايز تبني نشاطك على النت والناس تعرفه مش هتلاقي أفضل من الفيسبوك وأقلهم تكلفة.
أعمل بيزنس